31. Домашна работа: Решавање логички натпреварувачки задачи

_________________________________________________

Логички натпреварувачки задачи и анализа на поврзаноста на задачата со Логика и распределување


Логички натпреварувачки задачи и анализа на поврзаноста на задачата со Оптимизација


Логички натпреварувачки задачи и анализа на поврзаноста на задачата со Бинарни броеви 


Логички натпреварувачки задачи и анализа на поврзаноста на задачата со Кодирање и криптографија


Логички натпреварувачки задачи и анализа на поврзаноста на задачата со Растерска графика и паралелизација

_________________________________________________

30. Растерска графика и паралелизација + задачи

Во информатиката, често се користат разни постапки за намалување на големината на датотеки, податоци кои се испраќаат од еден компјутер до друг и слично. Притоа, ова често се прави со разгледување на податоците како единици и нули, и откривање на шема каде што дел од единиците или нулите се повторуваат.

Компјутерите можат да извршуваат голем број на програми и процеси паралелно. Додека е вклучен нашиот компјутер, оперативниот систем треба на сите процеси да им даде простор за извршување - некои од овие процеси се претставени на екранот (игри, работа со текст, итн), додека други процеси се одвиваат во позадина (на пример, програми кои служат за борба со вируси). Слично како и кај оваа задача, некои процеси имаат поголем приоритет од други, и добиваат поголем дел од ресурсите кои ги поседува системот. 
Денешните компјутери можат да извршуваат процеси и паралелно (во исто време), но само во ограничен број (на пример, 2 или 4 процеси во исто време). Доколку оперативниот систем треба да им даде простор за извршување на 100 процеси, тој започнува со давање на ресурси на 2/4 процеси, па потоа нив ги паузира и им дава простор на други 2/4 процеси, итн.


➩➩➩Логички натпреварувачки задачи  со Растерска графика и паралелизација

--------------------------------------------------------------------------------------------------

29. Бинарни броеви. Кодирање + задачи

Бинарниот броен систем се користи од страна на скоро сите компјутерски системи и уреди. Тој ги користи цифрите 0 и 1. Цифрите 0 и 1 се викаат битови

Сите податоци можат да се запишат како секвенца (листа) од нули и единици. Пример: 101001001010

 Бинарен код претставува претворање на буквите на еден збор во бинарни броеви.

Замена на букви во зборови често се користи во разни делови од информатиката, за таканаречено кодирање или шифрирање. 

Една од најстарите процедури за шифрирање на текст е Цезаровата шифра. Шифрирање претставува процес на кодирање на порака или информација на таков начин што само овластени корисници може да ја пристапат и прочитаат. Од технички причини, процесот на шифрирање користи клуч создаден од алгоритам. 

Дешифрирање е обратниот процес, т.е. трансформација на шифрирана порака во разбирлива порака. Кај Цезаровата шифра најчесто се бира еден таен број (клуч), кој го означува бројот на поместувања во азбуката. На пример, ако имаме таен број 3, буквата B станува E, итн.

➪➪➪Логички натпреварувачки задачи  со Бинарни броеви 

➪➪➪Логички натпреварувачки задачи  со Кодирање

--------------------------------------------------------------------------------

28. Оптимизација + задачи

           Во информатиката, често се среќаваат проблеми каде што треба да се направи некаква оптимизација. Кај овие проблеми, не зборуваме многу за начинот на нивното решавање, туку целта е да се најде најдобриот пристап во однос на тоа како да се одберат или наредат некакви предмети. Притоа, многу е важно да бидат задоволени условите опишани со проблемот.

            Многу често во информатиката, при анализа на податоци, потребно е да се најде најдобрата, односно оптималната вредност. 
           Често, неколку услови треба да бидат применети во правилен редослед за да се најде таа оптимална вредност.

⟹⟹⟹Логички натпреварувачки задачи  со Оптимизација

--------------------------------------------------------------------------------------

27. Логика и распределување + задачи

Логика 
Логиката е моќна како алатка која им овозможува на компјутерските програми да размислуваат за светот.

Ако имаме проблем претставен преку множество од ограничувања треба да се најде решение кое ги задоволува сите услови и ограничувања.
Кај други проблеми може да се зборува за исполнување на барем еден од дадените услови

Според тоа, можеме да користиме логика за да се провери дали се исполнети  сложени услови, од типот “А И B” (каде што мора да се исполнети и
двата услови A и B), или од типот “A ИЛИ B” (каде треба да е исполнет барем еден од двата услови).

Распределување
Балансирањето е стратегија која се спроведува во многу полиња. 
На пример, во политиката, државите се обидуваат да прават баланс на моќта. 
Кај компјутерите, постои распределба на процесите (задачите) кај секој процесор, со цел работата да биде соодветно поделена на фер начин и таа побрзо да се заврши.

Кај многу проблеми кои се среќаваат во реалниот живот, постојат огромен број на
начини да се направи распределба или да се дојде до решение. 
За да дојдеме побрзо до точното решение често се обидуваме да користиме алгоритми и други стратегии.
Притоа, многу е важно да се внимава на начинот на кој се применува одбраната
стратегија, и да се направат разни проверки со цел анализа на точноста на решение.



⟹⟹⟹Логички натпреварувачки задачи  со Логика и Распределување

26. Програмирање. Податочна структура + задачи

Процесот на пишување на програма е програмирање. За да изврши одредена работа, потребно е на компјутерот да му се зададе команда, со која се активира и извршува соодветна програма. Програмата се внесува од надворешната во внатрешната меморија и се извршува наредба по наредба. Целокупната работа на компјутерот се одвива под контрола на програмите сместени во внатрешната меморија.


Податочна структура претставува начинот на кој се организирани податоците во компјутерската меморија, со цел поефикасно пристапување до нив од страна на нашите програми.

Поврзана листа претставува податочна структура која овозможува додавање на елементи на било која позиција во листата (вклучувајќи го почетокот и крајот на листата, но и било каде во средина), како и бришење на елементи на произволна позиција. Но,  поврзаните листи не овозможуваат брз и ефикасен пристап до елемент на произволна позиција.

Кај поврзаните листи, покрај самите елементи, постои и врска од секој елемент до неговиот следбеник во листата, а кај двојно-поврзаните листи често  и до неговиот претходник. 

Ред е податочна структура која го следи редоследот по кој елементите се додаваат, и ни овозможува внесување на елементи, но и вадење на истите по редоследот по коj се внесувани. Оваа податочна структура го имплементира т.н. принцип "прв влегува, прв излегува". 

На пример: повеќе лица чекаат за доаѓање до шалтер. Во овој случај, податочната структура ред е одличен начин за следење на ситуацијата, бидејќи таа овозможува внесување елементи (кога одредено лице влегува во банката), одредување кое лице треба следно да дојде до шалтерот, и бришење на елементи (кога одредено лице ќе заврши со работа).

Стек е структура која го следи редоследот по кој се додаваат елементите, но таа го решава спротивниот проблем од оној кој го решаваа редовите. Имено, за стек велиме дека го имплементира т.н. принцип "прв влегува, последен излегува". 

На пример, да замислиме дека повеќе чинии се наредени една врз друга. Во овој случај, можеме да додаваме нови елементи на врвот - врз другите чинии, но кога ги вадиме истите, почнуваме повторно од врвот - па најпрвин ќе ја извадиме чинијата која што е на врвот (таа што е додадена последна), итн.

⟹⟹⟹Логички натпреварувачки задачи со Податочни структури 

25. Информатички концепти

• програмирање 
• податочни структури  
• логика
• распределување 
• оптимизација
• бинарни броеви 
• кодирање
• криптографија 
• растерска графика 
• паралелизација